Ti yw’r seren uwch fy mhen
Sy’n ddisglair yn y nos
Petawn i’n cael dy ddal yn dynn
Fel angor yn y môr, yn y môr... fel angor yn y môr
Ti yw fy nghysgod rhag y glaw
Pan ddaw’r dilyw mawr
Ffyddlon fel y machlud
Ac yna pan ddaw’r wawr
Pan ddaw’r wawr...
Yna ar doriad gwawr
Ti yw yr un
Ti yw fy nhrysor
Dy gwmni sy’n gysur i mi
Ti yw fy ffrind
Ble wyt ti am fynd?
Mae’r drws yn agored i chdi…
Gwyn, gwyn dy fyd
Dy draed yn rhydd
Pam cuddio tra dwi’n gwylio?
Gwyn, gwyn dy fyd
Ti’n newid bob dydd
Cannwyll fy llygaid i
Fe gei di bopeth sgen i i’w roi
’Na i ddim dy ddal di’n ôl
Dwi’n gwylio pob un peth ti’n wneud
O fore gwyn tan nos
Gydol f’oes...
O fore gwyn tan nos
Mae gweld dy wên yn codi ’nghalon
Ac mi gadwa i’r darnau i gyd
Yn gasgliad o atgofion
O’r rhyfeddod ddaeth i’m byd
A ddaeth i’m byd...
Trysor penna’r byd
Ti yw yr un
Ti yw fy nhrysor
Dy gwmni sy’n gysur i mi
Ti yw fy ffrind
Ble wyt ti am fynd?
Mae’r drws yn agored i chdi…
Gwyn, gwyn dy fyd
Dy draed yn rhydd
Pam cuddio tra dwi’n gwylio?
Gwyn, gwyn dy fyd
Ti’n newid bob dydd
Cannwyll fy llygaid i.